സന്ദര്‍ശനം
കുറെനേരമായി സന്ദര്‍ശകര്‍ക്കുള്ള മുറിയില്‍ കാമുകനും കാമുകിയും പരസ്‌പരം സംസാരിക്കാതെയിരിക്കുകയാണ്.'' മൗനം കുടിച്ചിരിക്കുന്നു നാം'' എന്ന കാവ്യപ്രയോഗം സൂചിപ്പിക്കുന്നത് ബന്ധങ്ങളുടെ തകര്‍ച്ചയാണ്.ബാലചന്ദ്രന്‍ ചുള്ളിക്കാട് 'മരണവാര്‍ഡ്‌' എന്ന കവിതയില്‍ ''മൗനം മരണമാകുന്നു''എന്ന് പറയുന്നുണ്ട്. സന്ദര്‍ശകമുറിയില്‍ എന്തെങ്കിലും കുടിച്ചിരിക്കുക എന്ന സാധാരണ അനുഭവത്തെയാണ് കവി മൗനം കുടിച്ചിരിക്കുക എന്ന സവിശേഷ അനുഭവമാക്കി അവതരിപ്പിക്കുന്നത്‌.സംസാരം പുറത്തേക്കുള്ള ആവിഷ്കാരമെങ്കില്‍ മൗനം തന്നിലേക്ക് തന്നെയുള്ള സഞ്ചാരമാണ്. സന്ധ്യാസമയത്തെ കവി വര്‍ണ്ണിച്ചിരിക്കുന്നത് ''ജീവിതം പോലെ ഈ പകല്‍ വെളിച്ചം പൊലിഞ്ഞുപോകുന്നതും''എന്നാണ്.സന്ധ്യാസമയത്ത് കിളികള്‍ എല്ലാം കൂട്ടിലേക്കണയുകയാണ്.ഓര്‍മയുടെ പക്ഷികളാണ് കൂട്ടിലേക്ക് അണയുന്നത്.പറന്നുനടന്ന ഓര്‍മ്മകള്‍ എല്ലാം ചിറക് മടക്കുകയാണ്.''ചിറകുകള്‍ നനഞ്ഞൊലിക്കുമോർമകൾ കഴുമരത്തിന്മേല്‍ പറന്നിരിക്കുന്നു''കവിയുടെ ജൂണ്‍ എന്ന കവിതയിലെ വരികള്‍ ഇവിടെ ഓര്‍ക്കാം. കാമുകികാമുകന്‍ പരസ്‌പരം ഒന്നുംമിണ്ടാതെ കണ്ണുകളില്‍ നോക്കിയിരിക്കുന്നു.പരസ്‌പരം കണ്ണുകളില്‍ നോക്കിയിരിക്കുമ്പോള്‍ അവര്‍ തങ്ങളുടെ വേദനകള്‍ മറന്നുപോകുന്നു,അവര്‍ സ്വയം മറക്കുന്നു.ഞാന്‍ എന്ന ഭാവം ഇല്ലാതാകുന്നു.വാക്കുകള്‍ക്ക് അതീതമായ ആന്തരികഭാവം ഉള്‍ക്കൊള്ളുന്നു.പ്രണയത്തിന്‍റെ ഓര്‍മകളില്‍ കവിയുടെ നെഞ്ചിടിപ്പുകൂടുന്നു.ശ്വാസം പോലും സംഗീതമാകുന്നു.ജീവിതത്തിന്‍റെ താളം അവസാനിക്കുകയാണ്.
കടലിന്‍റെ ആഴങ്ങളിലേക്ക് കടന്നുപോയ ഓര്‍മകളിലേക്ക് ഒരു പുഴപോലെ ഹൃദയരേഖ നീളുകയാണ്.''കനകമൈലാഞ്ചിനീരില്‍ തുടുത്ത വിരല്‍'' പ്രണയകാലത്തെ സൗന്ദര്യത്തെയും സ്പര്‍ശനത്തെയും സൂചിപ്പിക്കുന്നു.ചുവപ്പ് പ്രണയത്തിന്‍റെ നിറമാണ്.''നെടിയകണ്ണിലെ കൃഷ്ണകാന്തങ്ങള്‍തന്‍'' കൃഷ്ണമണിയെ കൃഷ്ണകാന്തമാക്കുന്നതുവഴി കണ്ണിന്‍റെ ആകര്‍ഷണശക്തിയെയാണ് സൂചിപ്പിക്കുന്നത്.സൂര്യകിരണം പ്രണയിനിയുടെകൃപാകടാക്ഷമാണ്.ചില്ല കവിയുടെ വികാരലോകമായി മാറുന്നു.കുങ്കുമത്തരിപുരണ്ട പ്രണയിനിയും ചിദംബരസന്ധ്യയുമെല്ലാം ഓര്‍മകളിലേക്ക് കടന്നുവരികയാണ്.
ഇരുളില്‍ ആശ്വാസമായി നിന്‍റെ മുഖം കടന്നുവരുന്നു.അയനം എന്ന വാക്ക് സൂര്യനുമായി ബന്ധപ്പെട്ടതാണ്.സൂര്യനുചുറ്റും അലയുന്നത് ഭൂമിയാണ്‌.കാമുകിയെ സൂര്യനായും കാമുകനെ ഭൂമിയായും സങ്കല്‍പ്പിക്കാം. കടലും പുഴയും കൂടിച്ചേരുന്ന ഭാഗമാണ് അഴിമുഖം.കടലുപോലെ കരയുന്നത് സ്ത്രീയും പുഴപോലെ കരയുന്നത് പുരുഷനുമാണ് എന്നാണല്ലോ പറയുക.കരച്ചിലുകള്‍ കൂടിച്ചേര്‍ന്ന് ഒരു വലിയകരച്ചില്‍ ആകാതെയിരിക്കാന്‍ പരസ്‌പരം നന്ദി പറയാതെ നമ്മുക്ക് പിരിയാം എന്ന് കാമുകന്‍ പറയുന്നു.''നിഴലുകള്‍ നമ്മള്‍ പണ്ടേ പിരിഞ്ഞവര്‍'' ഇനിയൊരു കൂടികാഴ്ചയക്ക് സാധ്യതയില്ല എന്നതിനെ സൂചിപ്പിക്കുന്നു.
ഒരു പ്രണയഗീതം
👍
ReplyDelete