ലാത്തിയും വെടിയുണ്ടയും

   ലാത്തിയും വെടിയുണ്ടയും

                               ലളിതാംബിക അന്തര്‍ജനം

                 

പാഠവിശകലനം

കേരളീയസമൂഹത്തിന്‍റെ നവോത്ഥാനചരിത്രം ആരംഭിക്കുന്നത് പത്തൊമ്പ-

താം നൂറ്റാണ്ടിന്‍റെ അവസാനത്തിലാണ്.നമ്പൂതിരി സമുദായത്തില്‍ വി.ടിയുടെ

നേതൃത്വത്തിലാണ് പരിഷ്കരണപ്രവര്‍ത്തനങ്ങള്‍ നടന്നിരുന്നത്.നാല് ചുമരു-

കള്‍ക്കുള്ളില്‍ ജീവിക്കേണ്ടിവരുന്ന അന്തര്‍ജനങ്ങളുടെ പ്രതിഷേധ ശബ്ദമാണ്‌

ലളിതാംബിക അന്തര്‍ജനത്തിലൂടെ ഉയര്‍ന്ന് കേട്ടത്.വി.ടി യുടെ നേതൃത്വ-

ത്തില്‍ നടന്ന സമുദായപരിഷ്കരണപ്രസ്ഥാനത്തിന്‍റെ ഉല്‍പ്പന്നമാണ്‌ ലളിതാം-

ബിക അന്തര്‍ജനം.

               1976 ലാണ് ലളിതാംബിക അന്തര്‍ജനത്തിന്‍റെ 'അഗ്നിസാക്ഷി' എന്ന

നോവല്‍ പുറത്തിറങ്ങുന്നത്.1930-40 കളില്‍ കേരളീയസമൂഹം പൊതുവെയും

നമ്പൂതിരിസമൂഹം വിശേഷിച്ചും അനുഭവിച്ച സംഘര്‍ഷങ്ങളാണ് നോവലിന്‍റെ

പ്രമേയം.ദേവകി(തേതിക്കുട്ടി, ദേവിബഹന്‍), തങ്കം(മിസിസ് നായര്‍), ഉണ്ണി-

നമ്പൂതിരി എന്നിവരാണ് നോവലിലെ പ്രധാനകഥാപാത്രങ്ങള്‍.18 അധ്യായ-

ങ്ങള്‍ ഉള്ള അഗ്നിസാക്ഷിയിലെ പന്ത്രണ്ടാമത്തെ അധ്യായമാണ് 'ലാത്തിയും

വെടിയുണ്ടയും'.ഇന്ത്യന്‍ സ്വാതന്ത്ര്യസമരത്തിന്‍റെ ആകാംക്ഷഭരിതമായ

രംഗങ്ങിലൊന്നാണ് പാഠഭാഗം.

              1942 ലെ ഒരു സംഭവത്തെപ്പറ്റി മിസിസ് നായര്‍ ഓര്‍ക്കുന്നതാണ്.

വ്യക്തിമനസ്സും സമൂഹമനസ്സും തമ്മിലുള്ള സംഘര്‍ഷം തങ്കം എന്ന കഥാ-

പാത്രം അനുഭവിക്കുന്നു.സുഖം മാരകമായ ഒരു ലഹരിയാണെന്നും ഞാനതില്‍

മുങ്ങിപോകുന്നുവെന്ന ചിന്ത തങ്കത്തിലുണ്ട്.തങ്കത്തെ സംബന്ധിച്ചിടത്തോളം

സ്വന്തം കുടുംബമാണ് അവരുടെ ലോകം.''ചരിത്രം സൃഷ്ടിക്കാതെ ചരിത്രത്തി

ന് സാക്ഷിയാകുന്നവള്‍''.

   ''വായും മൂക്കും പൊത്തിപ്പിടിച്ച് വരിഞ്ഞുകെട്ടിയിട്ട പെരുമ്പാമ്പിനെപ്പോലെ

വിരസമായ നിരത്തു നീണ്ടുകിടക്കുന്നു''-ബ്രിട്ടീഷ്‌ ആധിപത്യവും അടിച്ചമര്‍-

ത്തലും ഇന്ത്യയെ അത്രത്തോളം ശ്വാസംമുട്ടിച്ചിരുന്നു എന്ന് സാരം.

''വിജയിയായ അഭിമന്യുവിനെപ്പോലെ ആ ബാലന്‍ നില്‍ക്കുകയായിരുന്നു''

കൗമാരക്കാരനായ  അഭിമന്യു പിതാവായ അര്‍ജുനനെക്കാള്‍ സമര്‍ത്ഥനായി-

രുന്നു.ശക്തമായ ശത്രുനിരക്കെതിരെ അഭിമന്യു പോരാടി.അഭിമന്യുവിനെ-

പ്പോലെയുള്ള ഒരു കൗമാരബാലനാണ് മണിമാളികയുടെ മുകളില്‍ ത്രിവര്‍ണ

പതാക പാറിക്കുന്നത്.അവന്‍ കൊച്ചുസൂര്യനെ പോലെ തേജസ്വിയായിരുന്നു.

''നമ്മള്‍ ഒരു കാലഘട്ടത്തിന്‍റെ രണ്ടുമുഖങ്ങളാണ്''-ദേവിബഹന് ഭാരതമായി

രുന്നു കുടുംബം.അവരില്‍ രാജ്യസ്നേഹവും മനുഷ്യസ്നേഹവും ഒരുമിച്ചു

ചേര്‍ന്നിരിക്കുന്നു.നിസ്വാര്‍ത്ഥയുടെ പ്രതീകമാണ് ദേവിബഹന്‍.പുതിയ

തലമുറ ദേവിബഹനിലൂടെ സഞ്ചരിക്കട്ടെ.

          ആ കാലഘട്ടത്തിലെ സാമൂഹിക ജീവിതത്തിന്‍റെ വ്യക്തമായ ചിത്രം

നോവലില്‍ കാണാം.ആധുനികജീവിതം നയിക്കുന്ന മിസിസ് നായര്‍

സാമൂഹികമായി ഇടപ്പെടാന്‍ താല്പര്യമില്ലാത്ത വ്യക്തിയാണ്.എന്നാല്‍ സ്വയം

കുറ്റപ്പെടുത്തുകയും സമൂഹത്തിന്‍റെ അവസ്ഥയില്‍ വേദനിക്കുകയും ചെയ്യു-

ന്നുണ്ട്.ഏറെ കാലമായി അന്വേഷിക്കുന്ന തന്‍റെ തേതിയേടത്തിയെ കാണു-

മ്പോള്‍ ഭാരതത്തിന് വേണ്ടി ജീവനര്‍പ്പിക്കാന്‍ തയ്യാറായ ദേവിബഹനായി

അവര്‍ മാറിയിരിക്കുന്നു.ആ മാറ്റത്തെ വളരെ ബഹുമാനത്തോടെയും സ്നേഹ

ത്തോടെയുമാണ് തങ്കം നോക്കി കാണുന്നത്.''കുടുംബത്തിലും സമൂഹത്തിലും

ചവിട്ടിയരയ്ക്കപ്പെട്ട കേരളീയസ്ത്രീവ്യക്തിത്വത്തിന്‍റെ ചരിത്രരേഖയാണ്

അഗ്നിസാക്ഷി''.